踅街買冊

昨昏趁還有日頭，早仔起（cai1-khi2）我先出門去做每月Routine的空課，煞了後轉厝馬上揹仔揹起來就走去捷運中山站邊仔的赤峰街踅街，順紲（續）欲去買書。

這條街兩爿巷仔有一排閣一排古早的二層樓仔厝，in7的陽台大部份攏有Ke3-Ke7的特殊的造形的欄杆佮鐵花窗仔，一支一支的欄杆有外形吶像花矸仔，有的四四角角花草敢（干）若像彎糕仔抑是綠豆糕，正是古早的Sutairu(style)。有足濟間厝開作時行、有創意的店面，足濟摔拍的文藝青年來遮踅街，呷飯買物，我嘛有看着幾若个外國來的。一位阿姐行過面頭前一扇玻璃門，玻璃門頂面印著“進店暴富”，實在會唌人，邊仔的壁堵漆著一尾龍，位敢若是〈神奈川沖浪裡〉的海涌中湓（bun3）出來，尾溜強欲摔(sut7)著彼位阿姐。

街仔頂嘛閣有幾間鐵工廠有佇做生理，使人好奇古早時彼個歹鐵仔街是生作啥款，應該是另外一款鬧熱滾滾，車床、西工的聲音，流汗的味，日頭曝到衝煙的馬路。

踅了一輪了後，我揣著彼間奎府聚冊局，這間册局主要賣的是佮台灣、本土文化有關係的書佮文創商品，伊嘛有座位會當予人客踮內底啉咖啡，有時嘛會辦活動。

目珠佇冊架仔頂巡來巡去時阮注意著不時有手寫的細張的半圓字條散插、夾佇書的下面，倚較近咧斟酌看原來是對彼本書的心得或者介紹，真有心。

我看着一本諸葛四郎的ㄤ仔標冊感覺袂䆀，另外嘛有想要買陳耀昌的《傀儡花》，但是因為欲省錢所以毋敢烏白買，再三考慮，最後我干若買陳耀昌的《福爾摩沙三族記》佮李敏勇的詩集《詠嘆調》，其他的，下逝來才閣拍算，即時自行入册局耳孔就一直聽到古早的時鐘的時鐘墜的“噠噠噠”，變作整點的聲音佇提醒，已經三點囉。續落來欲坐捷運去公館，因為我google胡長松的小說集《金色島嶼之歌》干若佇“台灣e店”才有現貨。

台灣e店已經搬去溫州街83號七樓，明明照google地圖chhue3（揣，找）路，毋閣螢幕頂代表我的藍點已經佇目標邊踅一輪矣我卻是看無叨位有一棟七樓的大樓。共一間一間的門牌號碼斟酌看，唉，「遠在天邊，近在眼前」，原來伊現現就佇咧路邊，但是舊舊啊無成商業大樓，覕(bih2)佇徛家之間，無怪我目珠展大蕊嘛看無。

揤電鈴講是欲來買冊，大門應聲拍開，加在裡面竟然有電梯，這棟當在起的時應該是算足先進的。上七樓左斡，行入敢若是普通徛家的一个小小的門，內面不止啊闊，歸排架仔攏是囥佮咱台灣有關係的册、CD佮文創什貨，幾若間房間嘛是。你哪是對了解台灣文化有興趣，天堂應該就是生做這款模樣。

櫃台的阿姐當佇拍電腦，伊一知影我欲揣胡長松的小說，馬上就共我講佇叨一格，我想伊逐工佇遮一定足熟矣，嘛足幸福!

我干那頭一擺行入kam仔店的囡仔，逐格看逐个房間逡，誠濟四秀仔攏想欲買。因為反（bing）著冊內的宋澤萊的推薦，我閣買了胡長松的《幻影號的奇航》，續落來，我看著一本南科考古的書，頂頭註文第一册，我綴嘴問彼个阿姐有第二册無，伊馬上就走入傷內底的房間，無若久就手提一本嘛是彩頁的第二册，抑毋閣這本加足大本的，這廂(聲)害啊！這本愛九百扣呢!但忍咧會著內傷，而且佇別位我毋捌看過有這兩本，加在會當鑢卡，鑢卡較袂痛（咦？），行出去愛呷塗啊！

結數（siau3)時我看到一台足水的古董sharp收銀機，毋知有幾若十年歷史？我臆全台灣應該無賰幾台閣好好會動作。歸台黃到發光，時間的光，悠悠恬恬（tiam3-tiam7）。

*本篇羅馬字使用台羅

*個人用字較隨興，建議參考教育部公佈的標準。

令我驚喜與欽佩的日本大洗高校吹奏樂部的表演

你能想像一個有81位成員的吹奏樂部是來自只有180名學生的一所高校嗎？！那就是這次來參加嘉義管樂節的日本團體之一的大洗高校的吹奏樂部 Blue Hawks。

可惜因為他們來參加的嘉義管樂節與橘高校來台灣表演的日期太接近了，大家的目光都聚焦在媒體宣傳、曝光度與知名度都高的橘色惡魔上，而嘉義管樂節卻很少見報導（起碼個人是在橘高校表演期間才知道），且主辦單位邀請了相當多隊伍，卻缺乏對每一個隊伍的詳細介紹與大力宣傳，結果我在YT上看影片到現在仍搞不清楚管樂節到底總共有哪些團體表演。

總之我在YT看到了大洗高校的完整影片，覺得不可思議。他們的吹奏表演相當精彩，這就不多說了（甚至還有Queen 的組曲，請自行點留言影片連結觀賞），意想不到合唱也是那麼動人，因此在下特別留意他們選的合唱曲，在此簡單聊一下：

七個孩子“七つの子”這首可愛的童謠是日本三大民謠詩人之ㄧ野口雨情（野口英吉）寫的名曲。野口雨情就出生於大洗高校所在的茨城縣，晚年也曾來造訪台灣並創作與台灣各地相關的十幾首民謠。所以對茨城縣與台灣來說都是珍貴的文化寶藏，深具意義，也可說是牽起兩地的羈絆。

“さくら”是森山直太朗的成名曲，因為歌曲中描寫了在櫻花繽紛的時節各奔前程與期許將來重聚的心情，現在幾乎變成每到日本的畢業季（也是櫻花季）就會在日本各校園傳唱的經典了，每個人都能朗朗上口了吧。也有人稱森山直太朗是日本新世紀的吟遊詩人，他也曾在2007年來台灣開過演唱會。

尾聲的兩首合唱曲台灣人應該都很熟悉，“花は咲く”（花開了，岩井俊二作詞，菅野洋子作曲），是為了支持2011年發生的東日本大地震受災地區的重建復興所作的歌曲，在此事件之後產生的台日之間的情誼應該不用在下再說明了。曾演唱過這首歌的歌手相當多，我個人最喜歡德永英明略帶沙啞又溫柔的版本。

另一首“すべての人の心に花を”這首沖繩民謠應該毫無疑問夏川里美的療瘉的歌聲總是會自心中響起，夏川里美與台灣有很深的緣份，她已經好幾年來過台灣辦了演唱會（明年也會來），我們全家也曾去聽過一次。這首歌也曾在台灣被翻唱成華語歌“花心”（周華健），但個人最愛的還是原曲🙂。

話說把這兩首編成多部合唱並由吹奏樂部的同學表演真的很厲害。

同學們的歌聲非常優美，若說他們是合唱團應該也沒人會懷疑了，實在是很了不起。個人亦非常欣賞選曲編曲者的品味與用心。

謝謝他們毫無保留的動人表演。

期待將來大洗高校Blue-Hawks 能再來台灣表演。

＊＊＊

傳送門：

青鷹TV

Special marching show in TAIWAN🇹🇼（大洗高校吹奏樂部在嘉義的演出）

《台語現代小說選》

假使你（汝）的母語是台語，個人強力推薦您讀只本台語小說選集。哪你的母語是台語而且你對台語文學嘛有興趣，按呢著更加應該來讀只本冊。

編者已經將只（這）本冊裡面收的台語小說攏總轉成漢字（用教育部公布的台語常用詞彙作標準），一寡仔揣無字的才以羅馬字寫（白話字）。有的頁面下跤有用國語寫的解釋，彼个標音是用白話字。

無論是欣賞、觀摩抑是學習，我相信只本小說攏會使予你耳目一新，尤其哪是您進前毋捌接觸過台文小說，按呢這本應該會改變你的三觀，讀了你著會了解原來台語小說已經會當寫到遐爾夠分阿。

只本册有5篇是1930年前，也就是日治時期的作品，這幾篇的目的性較強，有傳教的譬如〈拯救〉（郭頂順），有描寫日本殖民時期的不公不義佮譀古，蔡秋桐的〈連座〉著是致重只點，有宣傳左派思想的譬如蘇德的〈與其自殺，不如殺敵〉，一篇是楊逵的〈剁柴囡仔〉，彼个是描寫社會底層人的悲劇，閣有賴和的〈一个同志的批信〉，則是用摳洗的手法來描寫社會運動的硬篤。

佇這个時期的漢字台文書寫猶在bo̍k-bo̍k泅的期間，用字閣足濟訓讀、倚音，句法嘛受著北京話/國語的影響，所以讀起來有不小虐嘴，編輯的呂美親在册的話頭開了欲倚二十頁說明這个時期台文漢字的屈文就意，離言文一致抑閣有一段距離。雖然那用白話字會當正確的以表音來寫，不而過這種規篇以羅馬字來寫的，讀的人如果沒學習過白話字閣足上手的，基本上是無法度讀的，不親像漢字普通人只要有小學的漢文程度差不多著會使讀到三、五成。

這寡仔日本時期的台文創作，漢字書寫抑沒一致的共識以外，因為政治佮社會環境的因素，早期的小說（没干單是台文）書寫的內容多限制閣誠濟。毋閣毋管文字抑未夠熟水，佇楊逵佮賴和的只兩篇文章可以明顯看出佮頭前三篇風格完全没仝，另外抑有一個特點，彼就是in 沒硬囥入去振奮人心的結局，in的文字更加有文學性。

只本書的後面攏是1990年代後的作品，其中有王貞文的〈自由時代〉佮胡民祥的〈簽證〉是以海外的台灣建國運動的角色的眼光為觀點所發展出來的故事，描寫國民黨的黨國統治時陣這寡黨外運動受著監視佮迫害的情形，這兩篇會使講是反抗的文學書寫。

另外有描寫大家新婦、家庭問題的作品譬如藍春瑞的〈奪人的愛〉或者是林美麗的〈八卦紅之心〉，攏以全知者的描寫的方式，不而過我個人會當發覺角色對白中有偷偷代替作者tī-leh講理的「雙聲」話語，有明顯說教的影跡。

哪是王羅蜜多的〈地獄谷〉，彼是以笑詼的手法去寫一個議長選舉的賄選過程，透入北投特別的地理風俗。

續落來幾篇是我個人尚愛的，首先是陳明仁的〈詩人的戀愛古〉，遮可能是台語的後現代小說的性別書寫的經典，毋是我膨風，個人認為只篇比華語小說《遣悲懷》(駱以君)頂懸對“性”的描寫閣較自然、熟手。

另外，陳雷（毋是彼个唱歌的陳雷）的彼篇〈鄉史補記〉是帶著淡薄仔魔幻的鄉野傳說，以野史的形式來講一个佮狗吃人有關係的傳說，表面雖然講是狗吃人的傳說，抑毋閣伊嘛是描寫早期台灣的社會文化。

閣來，胡長松的〈金色島嶼之歌〉是借用1636年荷蘭的東印度公司屠殺拉美島住民（小琉球事件）的事件做背景去創作的小說，我愛裡面伊紲拍的文字。

尚後尾是陳正雄的〈命〉，伊是以鬼神佮算命等等民俗作基礎的傳奇故事，以上三篇會使歸入宋澤萊所講的西拉雅書寫，廣義來講是平埔族書寫，其中嘛有重建得欲拋荒的台灣早期的文化的企圖。

哪讀完只本小說您應該也會發覺，其實用頂真的漢字來寫台語並袂像咱一般想的遐爾困難，假使你已經有淡薄仔了解漢字的結構（六書），甚至對拼音的規律（即聲韻、切音規則）有小寡仔概念，按呢來讀只本書的文章基本上應該至少攏會當掌握六、七成以上。

比較可能有阻礙的所在是讀的人的台語語感毋知偆若濟，如果你平常時佮厝內人抑是厝邊隔壁毋是講台語，按呢你辨（捌）的單字彙可能較少，只時除了平常時愛捷講以外，讀册（譬如讀只本）是較緊增加詞彙的方法，個人建議會使哪讀哪寫筆記。

我嘛建議以只本小說作基礎，揣出你較甲意、順眼的作品，然後去册局揣只寡作家寫的台語冊來讀。

＊＊＊

*本篇羅馬字使用教羅（教會羅馬字），又稱白話字

*個人用漢字僅是自己習慣，並沒有完全依照教育部字彙校正過。如果你想要查詢教育部的詞彙請參考：

教育部臺灣閩南語常用詞辭典